четврток, 17 декември 2026

  • Цел живот сонуваа да се вратат во Москва. Сега, нивниот најголем сон конечно се остварува. Но, што ако градот во кој ја бараат среќата повеќе не е оној што го паметат? Олга, Маша и Ирина се враќаат во својот стар дом, со надеж дека таму ќе ги пронајдат љубовта, спокојот и животот за кој отсекогаш мечтаеле. Наместо тоа, ги пречекува Москва во која одекнуваат истрели, владее страв, а минатото оживува на најнеочекувани начини. Инспирирана од Чеховите „Три сестри“, драмата „Три сестри во Москва“ на Владимир Талески, во режија на Јани Бојаџи, ги води познатите ликови во нова приказна за изгубеното време, недовршените љубови и втората шанса за среќа. Среде снегот, сеќавањата и средбите што изгледаат невозможни, се испреплетуваат соништата и стварноста, надежта и разочарувањето, минатото и сегашноста. Но, дали остварувањето на најголемиот сон навистина значи и среќен крај? ОСТАНАТИ АКТЕРИ: Димитар Паскоски (к.г.) Стефан Арсиќ (к.г.) Кристијан Петковски (к.г.)

    ЛОКАЦИЈА: Драмски театар · Карпош 2Насоки ↗Повеќе инфо ↗dramski.mk
    Скрол: север/југ · Shift: запад/исток · Ctrl/⌘: зум

← Сите настани