петок, 11 декември 2026

  • Што се случува кога, спротивно на сите закони на просторот и времето, ќе се сретнат: Богдан, Борка, Мирко, Сем, Предраг, Светлана, Саша, Мирослав, Даша и Данило? И каква е нивната врска со писателите чии презимиња се: Богдановиќ, Павиќевиќ, Ковач, Мехмединовиќ, Матвејевиќ, Слапшак, Хемон, Крлежа, Дрндиќ и Киш? Во каков заговор се вплеткани? На каква акција нè повикуваат? Врз основа на текстовите објавени во едицијата „Заедничка читалница“ настана оваа возбудлива мешавина од гласови, јазична и уметничка полифонија што убедливо докажува дека, иако денес сме поделени меѓу повеќе различни држави, а многумина од нас живеат и во дијаспората, едни на други не сме туѓинци. Зашто, во книжевноста нема ни пасоши ни патни исправи. Врските што постојат меѓу сите нас, втемелени во заедничката општествена сопственост на јазикот и на богатото книжевно наследство, се многу посилни од разорните сили кои во изминатите неколку децении предизвикаа повеќе зло отколку што некогаш сме можеле да замислиме.

    ЛОКАЦИЈА: Драмски театар · Карпош 2Насоки ↗Повеќе инфо ↗dramski.mk
    Скрол: север/југ · Shift: запад/исток · Ctrl/⌘: зум

← Сите настани